-ਮਝੈਲ ਸਿੰਘ ਸਰਾਂ
ਅੱਜ ਮੈਂ ਆਪਣੀ ਹੱਡ ਬੀਤੀ ਸਾਂਝੀ ਕਰਨ ਲੱਗਿਆਂ, ਅੱਜ ਮੈਂ ਕੰਮ ਤੇ ਥੋੜਾ ਚਿਰ ਇੱਕ ਹੋਰ ਪਾਸੇ ਗਿਆ ਹੋਇਆ ਸੀ ਕਿਓਂਕਿ ਮੇਰਾ ਕੰਮ ਤੁਰਨੇ ਫਿਰਨੇ ਆਲਾ ਹੁੰਦਾ ਜਦੋਂ ਮੈਂ ਇੱਕ ਘਰ ਵਿਚ ਮੇਲ ਰੱਖ ਕੇ ਵਾਪਿਸ ਮੁੜਿਆ ਤਾਂ ਘਰ ਦੀ ਗੋਰੀ ਬਜ਼ੁਰਗ ਮਾਲਕਣ ਬਾਹਰ ਨਿਕਲ ਕੇ ਮੈਨੂੰ ਕਹਿੰਦੀ ਮੈਰੀ ਕ੍ਰਿਸੱਮਿਸ ਮੈਂ ਵੀ ਅੱਗੋਂ ਕਹਿ ਦਿੱਤਾ ਮੈਰੀ ਕ੍ਰਿਸਮਿਸ ਫਿਰ ਮੈਨੂੰ ਕਹਿੰਦੀ ਤੂੰ ਸਿੱਖ ਈ ਆਂ ਮੈਂ ਕਿਹਾ ਆਹੋ ਫਿਰ ਕਹਿੰਦੀ ਤੁਸੀਂ ਕ੍ਰਿਸਮਿਸ ਮਨਾਉਂਦੇ ਹੁੰਨੇ ਆਂ ਮੈਂ ਬੜਾ ਕਸੂਤਾ ਜਿਹਾ ਫਸਿਆ ਮਹਿਸੂਸ ਕੀਤਾ ਕਿ ਜੇ ਮੈਂ ਕਹਿ ਦਿੱਤਾ ਨਹੀਂ ਤਾਂ ਸ਼ਾਇਦ ਬੁਰਾ ਮਨਾਊਗੀ .ਮੈਂ ਕਿਹਾ ਸਾਡੇ ਸਿੱਖ ਧਰਮ ਵਿੱਚ ਵੀ ਕ੍ਰਿਸਮਿਸ ਦੇ ਦਿਨਾਂ ਵਿੱਚ ਇੱਕ ਬਹੁਤ ਵੱਡਾ ਸ਼ਹੀਦੀ ਹਫਤਾ ਹੁੰਦਾ ਅਸੀਂ ਕ੍ਰਿਸਮਿਸ ਦੇ ਨਾਲ ਨਾਲ ਉਹ ਮਨਾਉਂਦੇ ਹੁੰਨੇ ਆਂ ਫਿਰ ਕਹਿੰਦੀ ਅੱਛਾ ਦੋ ਧਰਮਾਂ ਦਾ ਇੱਕੋ ਦਿਨ ਮਨਾਉਣਾ ਤਾਂ ਹੋਰ ਵੀ ਵੱਡੀ ਗੱਲ ਹੋ ਗਈ | ਮੈਨੂੰ ਕੰਮ ਦੀ ਕਾਹਲ ਸੀ ਜਦੋਂ ਤੁਰਨ ਲੱਗਾ ਮੈਨੂੰ ਕਹਿੰਦੀ ਤੁਸੀਂ ਸਿੱਖ ਬ੍ਰੇਸਲੈਟ ( ਕੜਾ ) ਪਾਉਂਦੇ ਹੋ ਤੂੰ ਵੀ ਪਾਇਆ ਹੋਇਆ ਇੱਕ ਦਮ ਤਾਂ ਮੈਨੂੰ ਬ੍ਰੇਸਲੈਟ ਸਮਝ ਈ ਨਾ ਲੱਗੀ : ਚਲੋ ਸਮਝ ਗਿਆ ਛੇਤੀ; ਮੈਖਿਆ ਪਾਇਆ ਆ . ਕਹਿੰਦੀ ਰੁਕੀਂ ਮੈਂ ਮਾਸਕ ਪਾ ਕੇ ਆਉ ਨੀ ਆਂ ਮੈਨੂੰ ਦਿਖਾਈਂ ,ਮੈਂ ਪੁੱਛਿਆ ਤੂੰ ਕਿਦਾਂ ਜਾਣਦੀ ਆਂ ਕਿ ਮੈਂ ਸਿੱਖ ਆਂ ਤੇ ਸਿੱਖ ਕੜਾ ਪਾਉਂਦੇ ਆ ਉਹ ਕਹਿੰਦੀ ਹੁਣ ਮੈਂ ਕਾਰ ਨਹੀਂ ਚਲਾਉਂਦੀ ਤੇ ਟੈਕਸੀ ਤੇ ਹੀ ਆਉਣ ਜਾਣ ਕਰਦੀ ਆਂ ਤੇ ਜ਼ਿਆਦਾਤਰ ਟੈਕਸੀ ਵਾਲੇ ਸਿੱਖ ਹੁੰਦੇ ਆਂ ਤੇ ਮੈਂ ਕਦੇ ਪਿਛਲੀ ਸੀਟ ਤੇ ਨੀ ਬਹਿੰਦੀ ਡਰਾਈਵਰ ਦੇ ਨਾਲ ਵਾਲੀ ਸੀਟ ਤੇ ਬਹਿ ਜਾਨੀ ਤੇ ਉਹਨਾਂ ਨੂੰ ਸਿਖਾਂ ਬਾਰੇ ਪੁੱਛਦੀਂ ਹੁੰਦੀ | ਮੈਂ ਪੁੱਛਿਆ ਫਿਰ ਤੇਰੇ ਸਿੱਖਾਂ ਬਾਰੇ ਕੀ ਵਿਚਾਰ ਆ .. ਜੁਆਬ ਚ ਕਹਿੰਦੀ ਬਹੁਤ ਹੀ ਮਿੱਠ ਬੋਲੜੇ ਤੇ ਮਦਦਗਾਰ ਹਨ ਬਹੁਤ ਹੀ ਨਿੱਘੇ ਸੁਭਾਅ ਦੇ ਮਾਲਕ ਹਨ ਫਿਰ ਕਹਿੰਦੀ ਸਿਰਫ ਇੱਕ ਸਿੱਖ ਨੇ ਮੇਰੇ ਨਾਲ ਕੌੜਾ ਬੋਲਿਆ ਸੀ ,,ਮੈਂ ਕਿਹਾ ਮੈਂ ਬਹੁਤ ਸ਼ਰਮਸਾਰ ਹਾਂ ਉਸ ਸਿੱਖ ਵਲੋਂ ਬੋਲੇ ਕੌੜੇ ਲਫ਼ਜ਼ਾਂ ਲਈ ਮੈਂ ਜਦੋਂ ਤਿੰਨ ਚਾਰ ਵਾਰ ਸੌਰੀ ਸੌਰੀ ਕਿਹਾ ਤਾਂ ਕਹਿੰਦੀ ਮੇਰਾ ਮਕਸਦ ਤੇਰਾ ਦਿਲ ਦੁਖਾਉਣਾ ਨਹੀਂ ਸੀ ਮੈਨੂੰ ਇਹ ਗੱਲ ਤੈਨੂੰ ਦੱਸਣੀ ਹੀ ਨਹੀਂ ਸੀ ਚਾਹੀਦੀ ਤੁਸੀਂ ਸਾਰੇ ਹੀ ਬਹੁਤ ਵਧੀਆ ਇਨਸਾਨ ਹੋ | ਫਿਰ ਕਹਿੰਦੀ ਆਪਣਾ ਕੜਾ ਦਿਖਾਲ ਮੈਂ ਬਾਂਹ ਅੱਗੇ ਕਰ ਦਿੱਤੀ ਤੇ ਹੱਥ ਚ ਫੜ ਕੇ ਕਹਿੰਦੀ ਕਿ ਇਹ ਲੋਹੇ ਦਾ ਆ ਮੈਂ ਕਿਹਾ ਸਾਡੇ ਧਰਮ ਵਿੱਚ ਲੋਹੇ ਦਾ ਪਾਉਣ ਦਾ ਹੀ ਨਿਯਮ ਹੈ ਫਿਰ ਕਹਿੰਦੀ ਮੈਂ ਅਕਸਰ ਸਿੱਖਾਂ ਨੂੰ ਪੁੱਛਦੀਂ ਹੁਨੀਂ ਕਿ ਇਹ ਤੁਸੀਂ ਕਿਓਂ ਪਾਉਂਦੇ ਓ ? ਮੈਂ ਕਿਹਾ ਫੇ ਕੀ ਦੱਸਦੇ ਹੁੰਦੇ ਉਹ .. ਉਹ ਕਹਿੰਦੀ ਬਸ ਇੰਨਾਂ ਕੁ ਈ ਦੱਸਦੇ ਆ ਸਾਡੇ ਧਰਮ ਵਿੱਚ ਜ਼ਰੂਰੀ ਆ ਪਾਉਣਾ , ਪੈਂਦੀ ਸੱਟੇ ਮੈਨੂੰ ਕਹਿੰਦੀ ਤੂੰ ਦੱਸ ਕਿਓਂ ਪਾਉਂਦੇ ਓ ? ਇੱਕ ਦਮ ਜਿਹੜਾ ਮੈਂ ਜੁਆਬ ਦਿੱਤਾ ਉਹ ਸੀ ' ਅਸੀਂ ਇਹ ਸੱਜੇ ਹੱਥ ਵਿੱਚ ਹੀ ਪਾਉਂਦੇ ਆਂ ਤੇ ਤਕਰੀਬਨ ਹਰ ਇਨਸਾਨ ਜਿਹੜਾ ਵੀ ਕੰਮ ਕਰਦਾ ਉਹ ਸੱਜੇ ਹੱਥ ਨਾਲ ਹੀ ਕਰਦਾ ਤੇ ਜਦੋਂ ਸਿੱਖ ਕੋਈ ਕੰਮ ਕਰਨ ਲਗਦਾ ਤਾਂ ਇਹ ਕੜਾ ਯਾਦ ਦੁਆਉਂਦਾ ਕਿ ਜਿਹੜਾ ਕੰਮ ਕਰਨ ਲੱਗਿਆਂ ਕੀ ਉਹ ਸਹੀ ਹੈ ਜੇ ਸਹੀ ਹੈ ਤਾਂ ਕਰੀਂ ਨਹੀਂ ਤਾਂ ਨਾ ਕਰੀਂ ! ਸੁਣ ਕੇ ਇੱਕ ਦਮ ਉਹ ਬੋਲੀ ਓ ਵਾਓ ! ਐਡੀ ਵੱਡੀ ਮਹਾਨਤਾ ਹੈ ਇਹਦੀ ਸਿੱਖ ਧਰਮ ਵਿੱਚ !! ਫਿਰ ਕਹਿੰਦੀ ਤੂੰ ਅੱਜ ਮੈਨੂੰ ਬਹੁਤ ਹੀ ਵੱਡੀ ਗੱਲ ਦੱਸਕੇ ਚੱਲਿਆਂ ਵਾਕਿਆ ਹੀ ਤੁਸੀਂ ਸਿੱਖ ਮਹਾਨ ਹੋ |
