ਬਾਹਰਲੇ ਮੁਲਕਾਂ ਵਿੱਚ ਜਦੋਂ ਵੀ ਕੋਈ ਦਸਤਾਰਧਾਰੀ ਪਬਲਿਕ ਵਿੱਚ ਕਿਸੇ ਦੀ ਥੋੜੀ ਜਿਹੀ ਵੀ ਮਦਦ ਕਰ ਦਿੰਦਾ ਤਾਂ ਇਹਦਾ ਹਾਂ ਪੱਖੀ ਅਸਰ ਸਿੱਖੀ ਕਿਰਦਾਰ ਤੇ ਬਹੁਤ ਪੈਂਦਾ | ਜਿਸ ਪਾਸੇ ਮੈਂ ਕੰਮ ਤੇ ਜਾਂਦਾ ਉਧਰ ਕਈ ਛੋਟੇ ਤੇ ਦਰਮਿਆਨੇ ਕਾਰੋਬਾਰੀ ਹਨ ਤੇ ਤਕਰੀਬਨ ਥੋੜਾ ਬਹੁਤ ਸਾਰੇ ਜਾਣਦੇ ਹੀ ਹਨ ਜਿਹਨਾਂ ਵਿੱਚ ਕਈ ਗੋਰੇ ਵੀ ਹਨ ਕਿਓਂਕਿ ਮੈਂ ਰੋਜ਼ ਜਾਣਾ ਹੁੰਦਾ ਹੈਲੋ ਹਾਇ ਹੁੰਦੀ ਰਹਿੰਦੀ ਤੇ ਹੁਣ ਬਹੁਤਿਆਂ ਨੂੰ ਪਤਾ ਵੀ ਲੱਗ ਗਿਆ ਕਿ ਦਸਤਾਰ ਬੰਨ੍ਹਣ ਵਾਲੇ ਕੌਣ ਹਨ ਕਦੇ ਕਦੇ ਚਲੰਤ ਮਸਲਿਆਂ ਤੇ ਦੋ ਚਾਰ ਮਿੰਟ ਗੱਲ ਵੀ ਕਰ ਲੈਂਦੇ ਹਨ, ਇਹਨਾਂ ਵਿੱਚ ਇੱਕ ਗੋਰੀ ਦਾ ਵੀ ਆਪਣਾ ਛੋਟਾ ਕਾਰੋਬਾਰ ਹੈ , ਇਹਨੇ ਮਹੀਨੇ ਚ ਇੱਕ ਅੱਧ ਵਾਰ ਰੋਕ ਕੇ ਜ਼ਰੂਰ ਗੱਲਾਂ ਕਰਨੀਆਂ ਹੁੰਦੀਆਂ ਖਾਸ ਕਰਕੇ ਅੱਜਕੱਲ ਜਦੋਂ ਇਹਨੇ ਟਰੰਪ ਨੂੰ ਕੋਸਣਾ ਹੁੰਦਾ ਤਾਂ, ਖਿਆਲਾਂ ਦੀ ਬੜੀ ਧਾਰਮਿਕ ਜਿਹੀ ਵੀ ਲਗਦੀ ਹੁੰਦੀ ਮੈਨੂੰ ਕਦੇ ਕਦ ਸਿੱਖ ਸਿਧਾਂਤਾਂ ਬਾਰੇ ਵੀ ਪੁੱਛਦੀ ਹੁੰਦੀ ,ਦੋ ਕੁ ਸਾਲ ਪਹਿਲਾਂ ਮੈਂ ਉਹਨੂੰ ਦਰਬਾਰ ਸਾਹਿਬ ਦਾ ਛੋਟਾ ਜਿਹਾ ਮਾਡਲ ਲਿਆ ਕੇ ਦਿੱਤਾ ਤੇ ਮੁਨਸਰ ਜਿਹਾ ਇੱਤਿਹਾਸ ਵੀ ਦੱਸਿਆ ਹੋਇਆ | ਅੱਜ ਮੈਂ ਜਦੋਂ ਉਹਦੇ ਦਫਤਰ ਮੇਲ ਦੇਣ ਗਿਆ ਤਾਂ ਅੰਦਰੋਂ ਬਾਹਰ ਆਕੇ ਕਹਿੰਦੀ ਰੁਕੀਂ ਮਾੜਾ ਜਿਹਾ, ਮੈਨੂੰ ਲੱਗਾ ਅੱਜ ਫਿਰ ਜਾ ਤਾਂ ਟਰੰਪ ਦੀ ਖੈਰ ਨੀ ਜਾ ਫਿਰ ਬਿਜ਼ਨੈਸ ਬਾਰੇ ਕੋਈ ਗੱਲ ਕਰਨੀ ਹੋਣੀ ਪਰ ਬੜੀ ਖੁਸ਼ ਹੋਕੇ ਕਹਿੰਦੀ ਕੱਲ ਮੈਂ ਪੋਸਟ ਆਫਿਸ ਕੁਸ਼ ਪਾਰਸਲ ਭੇਜਣ ਗਈ ਸੀ ਤਾਂ ਸੋਸ਼ਲ distancing ਕਰਕੇ ਲਾਈਨ ਬੜੀ ਲੰਮੀ ਸੀ ਤੇ ਗਰਮੀ ਵੀ ਬਹੁਤ ਸੀ ਉਤੋਂ ਪਾਰਸਲ ਭਾਰੇ ਸੀ ਇੰਨੀਂ ਦੇਰ ਨੂੰ ਮੈਂ ਦੇਖਿਆ ਕਿ ਲਾਈਨ ਵਿੱਚ ਦਸਤਾਰ ਵਾਲਾ ਸਿੱਖ ਖੜਾ ਸੀ ਉਹਨੇ ਮੈਨੂੰ ਆਕੇ ਕਿਹਾ ਕਿ ਤੇਰੇ ਕੁਸ਼ ਪਾਰਸਲ ਮੈਂ ਚੁੱਕ ਲੈਨਾ | ਉਹ ਕਹਿੰਦੀ ਮੈਨੂੰ ਹੈਰਾਨੀ ਹੋਈ ਕਿ ਐਨੀ ਲਾਈਨ ਵਿਚੋਂ ਉਹ ਹੀ ਕਿਓਂ ਮੇਰੀ ਮੱਦਦ ਲਈ ਆਇਆ, ਕਹਿੰਦੀ ਮੈਂ ਉਹਨੂੰ ਕਿਹਾ ਤੁਸੀਂ ਸਾਰੇ ਸਿੱਖ ਹੀ ਬਹੁਤ ਚੰਗੇ ਹੁੰਦੇ ਹੋ ਇਹ ਮੈਨੂੰ ਪਤਾ ਹੈ ਉਹਦੀ ਗੱਲ ਸੁਣ ਕੇ ਮੈਂ ਕਿਹਾ ਮੈਂ ਚਲਦਾ | ਉਹ ਫਿਰ ਕਹਿੰਦੀ ਤੂੰ ਚੁੱਪ ਕਿਓਂ ਏਂ ਘਰ ਸਭ ਪਰਿਵਾਰ ਠੀਕ ਹੈ, ਫਿਰ ਮੈਂ ਉਹਨੂੰ ਕਿਹਾ ਕਿ ਐਨਾ ਜੂਨ ਦੇ ਦਿਨਾਂ ਵਿੱਚ ਸਾਰੇ ਸਿਖਾਂ ਅੰਦਰ ਇੱਕ ਸਨਾਟਾ ਹੁੰਦਾ ਪਤਾ ਨਹੀਂ ਉਹ ਕਦੋਂ ਟੁੱਟਣਾ ਤੇ ਉਸ ਦਿਨ ਕੀ ਹੋਣਾ ? ਸੀਰੀਅਸ ਹੋਕੇ ਕਹਿੰਦੀ ਕੀ ਗੱਲ ਆ ਮੈਂ ਚੁਰਾਸੀ ਬਾਰੇ ਗੱਲ ਕੀਤੀ ਤੇ ਦੱਸਿਆ ਜਿਹੜਾ ਤੈਨੂੰ ਦਰਬਾਰ ਸਾਹਿਬ ਦਾ ਮਾਡਲ ਦਿੱਤਾ ਹੋਇਆ ਇਹਨਾਂ ਦਿਨਾਂ ਵਿੱਚ ਭਾਰਤੀ ਸਟੇਟ ਨੇ ਫੌਜ ਦਾ ਹਮਲਾ ਕਰਕੇ ਢਾਹ ਦਿੱਤਾ ਸੀ ਤੇ ਹਜ਼ਾਰਾਂ ਸਿੱਖ ,ਬੀਬੀਆਂ ਬੱਚੇ ਸ਼ਹੀਦ ਕਰ ਦਿੱਤੇ ਸੀ ਤੇ ਸਭ ਤੋਂ ਛੋਟੀ ਉਮਰ ਦਾ ਸ਼ਹੀਦ ਪੰਦਰਾਂ ਦਿਨਾਂ ਦਾ ਸੀ ਅਜੇ , ਉਹਨੂੰ ਗੋਲੀ ਚੀਰ ਕੇ ਅੱਗੇ ਉਹਦੀ ਮਾਂ ਨੂੰ ਲੱਗੀ ਸੀ, ਉਹ ਹਾਉਕਾ ਲੈਕੇ ਕਹਿੰਦੀ ਕਿਓਂ ? ਮੈਂ ਕਿਹਾ ਕਿ ਜੋ ਤੈਨੂੰ ਸਿਖਾਂ ਵਿੱਚ ਚੰਗਿਆਈ ਦਿਸਦੀ ਉਸਤੋਂ ਭਾਰਤੀ ਸਟੇਟ ਨੂੰ ਨਫਰਤ ਹੈ ਜੋ ਪਿਛਲੀਆਂ ਪੰਜ ਸਦੀਆਂ ਤੋਂ ਕਰ ਰਿਹਾ !
